Uncategorized
ഇനി ടോള് പ്ലാസകളില് വാഹനങ്ങള് നിര്ത്തേണ്ടതില്ല! ഇന്ധനം കൂടുതൽ ലാഭിക്കാം, ഉപഗ്രഹ അധിഷ്ഠിത ടോള് സംവിധാനം 15 ദിവസത്തിനുള്ളില്; കേന്ദ്രമന്ത്രി നിതിൻ ഗഡ്കരി
ഇനി വാഹനങ്ങള്ക്ക് ടോള് പ്ലാസകളില് നിര്ത്തേണ്ടതില്ല.15 ദിവസത്തിനുള്ളില് ഉപഗ്രഹ അധിഷ്ഠിത ടോള് സംവിധാനം ആരംഭിക്കുമെന്ന് കേന്ദ്ര ഗതാഗത മന്ത്രി നിതിൻ ഗഡ്കരി. സുഗമമായ യാത്രയ്ക്കും ഹൈവേകളിലെ തിരക്ക് കുറയ്ക്കുന്നതിനുമായാണ് പുതിയ സംവിധാനം. സീ ന്യൂസ് ഉൾപ്പെടെയുള്ള ദേശീയ മാധ്യമങ്ങളാണ് വാർത്ത റിപ്പോർട്ട് ചെയ്യുന്നത്
ഇന്ത്യയുടെ റോഡ് അടിസ്ഥാന സൗകര്യങ്ങള് നവീകരിക്കുന്നതിനും ഉപയോക്തൃ അനുഭവം മെച്ചപ്പെടുത്തുന്നതിനുമുള്ള സർക്കാരിന്റെ ശ്രമങ്ങളുടെ ഭാഗമാണ് പുതിയ നയമെന്ന് ഗഡ്കരി പറഞ്ഞു.
വാഹനങ്ങള് ഉപഗ്രഹം വഴി ട്രാക്ക് ചെയ്യപ്പെടും. വാഹനവുമായി ബന്ധിപ്പിച്ചിട്ടുള്ള ബാങ്ക് അക്കൗണ്ടില് നിന്ന് നേരിട്ട് ടോള് കുറയ്ക്കപ്പെടുമെന്നും അദ്ദേഹം വിശദീകരിച്ചു
