ലോകത്തിലെ ഏറ്റവും മികച്ച വിമാനത്താവളം ഏതാണ്? വമ്പൻ നേട്ടവുമായി ഈ ഗൾഫ് രാജ്യത്തെ എയർപോർട്ട്
ദോഹ: ലോകത്തിലെ ഏറ്റവും മികച്ച വിമാനത്താവളങ്ങളുടെ പട്ടികയില് വീണ്ടും ഇടം പിടിച്ച് ഖത്തറിലെ ഹമദ് അന്താരാഷ്ട്ര വിമാനത്താവളം. അന്താരാഷ്ട്ര എയർലൈൻ-എയർപോർട്ട് റേറ്റിങ് സ്ഥാപനമായ സ്കൈട്രാക്സിന്റെ 2025ലെ പട്ടികയിലാണ് ഹമദ് വിമാനത്താവളം നേട്ടം സ്വന്തമാക്കിയത്. ലോകത്തിലെ ഏറ്റവും മികച്ച വിമാനത്താവളങ്ങളുടെ പട്ടികയിൽ രണ്ടാം സ്ഥാനമാണ് ഹമദ് എയര്പോര്ട്ട് സ്വന്തമാക്കിയത്. മിഡിൽ ഈസ്റ്റിലെ ഏറ്റവും മികച്ച വിമാനത്താവളമായും ഹമദ് അന്താരാഷ്ട്ര വിമാനത്താവളത്തെ തെരഞ്ഞെടുത്തു.
തുടർച്ചയായ പതിനൊന്നാം വർഷമാണ് സ്കൈട്രാക്സിന്റെ വേൾഡ് എയർപോർട്ട് അവാർഡുകളിൽ മിഡിൽ ഈസ്റ്റിലെ ഏറ്റവും മികച്ച വിമാനത്താവളമായി ഹമദ് തെരഞ്ഞെടുക്കപ്പെടുന്നത്. സിങ്കപ്പൂരിലെ ഷാങ്ഹായ് എയര്പോര്ട്ടാണ് 2025ല് ലോകത്തിലെ ഏറ്റവും മികച്ച എയര്പോര്ട്ടായി തെരഞ്ഞെടുക്കപ്പെട്ടത്. സ്പെയിനിലെ മഡ്രിഡിൽ നടന്ന ചടങ്ങിൽ പുരസ്കാരം സമ്മാനിച്ചു. ഹമദ് വിമാനത്താവളത്തിന് 5-സ്റ്റാർ എയർപോർട്ട് റേറ്റിങ്ങും ലഭിച്ചു. ആഗോള തലത്തിൽ മികച്ച എയർപോർട്ട് ഷോപ്പിങ്ങിനുള്ള പുരസ്കാരവും ഹമദ് വിമാനത്താവളത്തിനാണ്.
