കേളകം: എസ്എൻഡിപി യോഗം കേളകം മേഖലാ കമ്മിറ്റി ജനകീയ പ്രതിഷേധ ധർണ സംഘടിപ്പിച്ചു. വന്യമൃഗ ആക്രമണത്തിൽനിന്ന് ജീവനും സ്വത്തിനും സംരക്ഷണം നൽകുക, സോളാർവേലി നിർമാണം ഉടൻ ആരംഭിക്കുക, വന്യമൃഗങ്ങളാൽ കൊല്ലപ്പെട്ടവരുടെ കുടുംബങ്ങൾക്ക് 25 ലക്ഷം രൂപ നഷ്ടപരിഹാരവും സർക്കാർ ജോലിയും നൽ കുക എന്നീ ആവശ്യങ്ങളുന്നയിച്ചാണ് സമരം നടത്തിയത്.
കൊട്ടിയൂർ ശാഖ പ്രസിഡന്റ് പി.തങ്കപ്പൻ അധ്യക്ഷത വഹിച്ച ചടങ്ങിൽ എസ്.എൻ.ഡി.പി ഇരിട്ടി യൂണിയൻ പ്രസിഡൻ്റ് കെ.വി.അജി ഉദ്ഘാടനം നിർവഹിച്ചു. പി.എൻ.ബാബു, റോയി പാലോലിക്കൽ, ഫാ. വർഗീസ് ചങ്ങനാമഠത്തിൽ, റോബിൻ മുഞ്ഞനാട്ട്, സന്തോഷ് ജോസഫ് മണ്ണാറുകുളം, സന്തോഷ് സ്റ്റീഫൻ, പൈലി വാത്യാട്ട്, സുനിതാ രാജു, കെ.എം.രാജൻ, കെ.കെ.സോമൻ തുടങ്ങിയവർ സംസാരിച്ചു.
