രഞ്ജി ട്രോഫി ഫൈനൽ നേട്ടം; താരങ്ങൾ ആരും ജോലിക്കായി അപേക്ഷ നൽകിയിട്ടില്ലെന്ന് കായിക മന്ത്രി വി അബ്ദുറഹിമാൻ
തിരുവനന്തപുരം: രഞ്ജി ട്രോഫി ക്രിക്കറ്റ് ടൂര്ണമെന്റിൽ ഫൈനല് വരെയെത്തിയ കേരള ടീമിലെ താരങ്ങള് ആരും സര്ക്കാര് ജോലിക്കായി അപേക്ഷ നൽകിയിട്ടില്ലെന്ന് കായിക മന്ത്രി വി അബ്ദുറഹിമാൻ നിയമസഭയിൽ പറഞ്ഞു. രഞ്ജി ടീമിലെ താരങ്ങള്ക്ക് സര്ക്കാര് ജോലി നൽകുന്നതുമായി ബന്ധപ്പെട്ട ചോദ്യത്തിനുള്ള മറുപടിയായിട്ടാണ് മന്ത്രിയുടെ വിശദീകരണം. അതേസമയം, കായിക സംഘടനകള്ക്കെതിരെ മന്ത്രി നിയമസഭയിലും വിമര്ശനം തുടര്ന്നു.
കേരള ഒളിമ്പിക്സ് അസോസിയേഷനും ഹോക്കി അസോസിയേഷനുമെതിരെയാണ് മന്ത്രി നിയമസഭയിൽ സംസാരിച്ചത്. സര്ക്കാരിനെതിരെയുള്ള സംഘടനകളുടെ സമരവും സര്ക്കാര് ചെലവിലാണെന്ന് മന്ത്രി കുറ്റപ്പെടുത്തി. ഒളിമ്പിക്സ് അസോസിയേഷൻ സർക്കാരിൽനിന്ന് കൈപ്പറ്റിയ ഗ്രാൻഡ് സംബന്ധിച്ച് വരവ് ചെലവ് കണക്കിൽ സർക്കാരിനെതിരെയുള്ള സമരത്തിന്റെ ചെലവും ഉൾപ്പെടുത്തിയിട്ടുണ്ടെന്ന് മന്ത്രി പറഞ്ഞു.
