ഇരിട്ടി :കൂട്ടുപുഴ റോഡിൽ ബെൻഹിലിൽ വച്ച് വിൽപ്പനക്കായി കാറിൽ കൊണ്ടുപോവുകയായിരുന്ന നിരോധിത പ്ലാസ്റ്റിക് ഉൽപ്പന്നങ്ങൾ പിടികൂടി.159 കിലോ ഓളം വരുന്ന നിരോധിത പ്ലാസ്റ്റിക് ഉത്പന്നങ്ങൾ പിടികൂടിയത്. വാഹന പരിശോധനയ്ക്കിടെയാണ് നാനോ കാറിൽ കൊണ്ടുപോവുകയായിരുന്ന പ്ലാസ്റ്റിക് ഉൽപ്പന്നങ്ങൾ പിടികൂടിയത്. ഉരുവച്ചാലിൽ നിന്നും വള്ളിത്തോട് കടകളിലേക്ക് കൊണ്ടുപോകുകയായിരുന്നു ഇവ. പോലീസ് പായം പഞ്ചായത്ത് അധികൃതരെ വിവരം അറിയിക്കുകയും അവർ സ്ഥലത്തെത്തി തുടർനടപടികൾ സ്വീകരിക്കുകയും ചെയ്തു. എസ് ഐ മനോജ് കുമാർ സിപിഓ മാരായ തോമസ് പ്രദീപ്, ഷിനോജ് എന്നിവരും പായം പഞ്ചായത്ത് അസിസ്റ്റൻറ് സെക്രട്ടറി സന്തോഷ് ജൂനിയർ സൂപ്രണ്ട് ജെയിംസ് ടി തോമസ് ഹെൽത്ത് ഇൻസ്പെക്ടർ കെ റീജ എന്നിവർ പരിശോധനയിൽ പങ്കെടുത്തു. ശിവപുരം സ്വദേശി അബ്ദുൽസലാമിന്റെ വാഹനത്തിൽ നിന്നാണ് പ്ലാസ്റ്റിക് ഉൽപ്പനങ്ങൾ പിടിച്ചെടുത്തത്.
