ഇരിട്ടി സീനിയർ ചേമ്പർ അംഗങ്ങൾ കൂട്ടുപ്പുഴ സ്നേഹഭവൻ സന്ദർശിച്ചു

ഇരിട്ടി: ഇരിട്ടി സീനിയർ ചേമ്പർ അംഗങ്ങൾ കൂട്ടുപ്പുഴ സ്നേഹഭവൻ സന്ദർശിച്ചു.
സെന്റ് സ്റ്റീഫൻ ചാരിറ്റബിൾ സൊസൈറ്റി യുടെ കീഴിൽ കൂട്ടുപുഴയിൽ പ്രവർത്തിച്ചു വരുന്ന സ്നേഹഭവനിലെ 80 അന്തേവാസികൾക്ക് വിഭവ സമൃദ്ധമായ ഉച്ച ഭക്ഷണവും നൽകി. ചേമ്പർ പ്രസിഡന്റ്‌ ഡോ ജി ശിവരാമകൃഷ്ണൻ, സെക്രട്ടറി ജോയ് പടിയൂർ, ട്രഷറർ വി എം നാരായണൻ, മുൻ പ്രസിഡന്റ്‌ എം വി അഗസ്റ്റിൻ, വി എസ് ജയൻ, എം കെ അനിൽകുമാർ എന്നിവരാണ് സ്നേഹ ഭവൻ സന്ദർശിച്ചത്.ബ്രദർ അഗസ്റ്റിൻ, ജെയ്സൺ എന്നിവർ സ്നേഹഭവൻ പ്രവർത്തനങ്ങൾ വിശദീകരിച്ചു.