സ്റ്റീവ് സ്മിത്തിനും ഉസ്മാൻ ഖവാജക്കും സെഞ്ചുറി; ശ്രീലങ്കക്കെതിരെ ഓസീസ് കൂറ്റന്‍ സ്കോറിലേക്ക്

ഗോള്‍: ശ്രീലങ്കക്കെതിരായ ഗോള്‍ ക്രിക്കറ്റ് ടെസ്റ്റില്‍ ഓസ്ട്രേലിയ കൂറ്റൻ സ്കോറിലേക്ക്. മഴമൂലം ഒന്നാം ദിനം 81.1 ഓവറുകള്‍ക്ക് ശേഷം കളി നിര്‍ത്തിവെക്കുമ്പോള്‍ ഓസീസ് രണ്ട് വിക്കറ്റ് നഷ്ടത്തില്‍ 330 റണ്‍സെന്ന ശക്തമായ നിലയിലാണ്. 104 റണ്‍സുമായി ക്യാപ്റ്റൻ സ്റ്റീവ് സ്മിത്തും 147 റണ്‍സോടെ ഉസ്മാന്‍ ഖവാജയും ക്രീസില്‍. ഓപ്പണറായി ഇറങ്ങിയ ട്രാവിസ് ഹെഡിന്‍റെയും മാര്‍നസ് ലാബുഷെയ്നിന്‍റെയും വിക്കറ്റുകള്‍ മാത്രമാണ് ഓസീസിന് ആദ്യദിനം നഷ്ടമായത്.