തിരുവനന്തപുരം: കാട്ടാക്കടയിൽ നിയന്ത്രണങ്ങൾ കാറ്റിൽ പറത്തി കാറുകളുടെ അതിവേഗ പാച്ചിലിന്റെ സിസിടിവി ദൃശ്യങ്ങൾ പുറത്ത്. ഇന്നലെ മാറനല്ലൂര്‍ മേലാരിയോടിലൂടെയായിരുന്നു കാറുകളുടെ കുതിച്ചുപായൽ. ഓട്ടത്തിനിടെ ഒരു കാർ ഇടിച്ച് വഴിയാത്രക്കാരന് പരിക്കേറ്റിരുന്നു. ഇതോടെ ഈ കാർ ഓടിച്ചിരുന്ന അന്തർ സംസ്ഥാന മോഷ്ടാവ് നവാസിനെ നാട്ടുകാർ തടഞ്ഞുവച്ചു പൊലീസിൽ ഏൽപ്പിച്ചു. രണ്ടാമത്തെ കാറിൽ ഉണ്ടായിരുന്നത് തട്ടിപ്പ് കേസുകളിൽ പ്രതിയായ പപ്പാക്കോട് സ്വദേശി പ്രവീൺ ആണെന്നും വിവരം ലഭിച്ചു.
