ചാവശ്ശേരിപ്പറമ്പ് : വിൽപ്പനക്കായി സൂക്ഷിച്ച അഞ്ച് ലിറ്റർ ചാരായവുമായി ചാവശ്ശേരിപ്പറമ്പിൽ വീട്ടിൽ എ.ഷീജയെ (43 )മട്ടന്നൂർ എക്സൈസ് പിടികൂടി . അസി
എക്സൈസ് ഇൻസ്പെക്ടർ കെ.ഉത്തമന്റെ നേതൃത്വത്തിൽ നടത്തിയ പരിശോധനയിലാണ് ഷീജ പിടിയിലായത്. ഷീജയുടെ ഭർത്താവ് കെ.പി.കൃഷ്ണൻ മുൻ അബ്കാരി കേസുകളിൽ പ്രതിയാണ്. മട്ടന്നൂർ കോടതിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു. പാർട്ടിയിൽ പ്രിവന്റിവ് ഓഫീസർ പി. വി.സുലൈമാൻ, കെ.കെ.സാജൻ, വി. എൻ. സതീഷ് , കെ.എൻ.രവി , സിവിൽ എക്സൈസ് ഓഫീസർമാരായ കെ.കെ. രാഗിൽ, സി.വി.റിജുൻ, ജി.ദൃശ്യ എന്നിവരുമുണ്ടായിരുന്നു.
