കർഷകദിനത്തിൽ സ്കൂളിൽ പച്ചക്കറിത്തോട്ടം ഒരുക്കിയും കർഷകനെ ആദരിച്ചും ഗവ യുപി സ്കൂൾ ചുങ്കക്കുന്നിലെ വിദ്യാർത്ഥികൾ

ചുങ്കക്കുന്ന്: കർഷക ദിനമായ ചിങ്ങം ഒന്നിന് പച്ചക്കറിത്തോട്ടം ഒരുക്കിയും കർഷകനെ ആദരിച്ചും ഗവൺമെൻറ് യുപി സ്കൂൾ ചുങ്കക്കുന്നിലെ വിദ്യാർത്ഥികളും അധ്യാപകരും. സ്കൂളിലെ പച്ചക്കറിത്തോട്ടത്തിന്റെ ഉദ്ഘാടനം കർഷകനായ ശ്രീ രാജൻ പുലയരുകുടിയിൽ നിർവഹിച്ചു. പ്രധാനാധ്യാപകൻ ശ്രീ ഇ ആർ വിജയൻ അദ്ദേഹത്തെ പൊന്നാടയണിയിച്ച് ആദരിച്ചു. അധ്യാപകരായ ഷാവു കെ വി, സജിഷ എൻ ജെ എന്നിവർ നേതൃത്വം നൽകി.