കണ്ണൂരിൽ അഞ്ചുപേർക്ക് തെരുവുനായയുടെ കടിയേറ്റു

കണ്ണൂർ : അലവിൽ കളത്തിൽകാവിന് സമീപം ചിറക്കൽ പഞ്ചായത്ത് 22-ാം വാർഡിൽ സ്ത്രീയടക്കം അഞ്ചുപേർക്ക് തെരുവുനായയുടെ കടിയേറ്റു. ഞായറാഴ്ച രാവിലെ ഏഴോടെയാണ് സംഭവം.പി. പ്രകാശൻ (51), സജിന മുടപ്പത്തി (45), പീറ്റ മനോജ് കുമാർ (50), പി. ബാവ (52), കൊയിലി സനൽ (42) എന്നിവർക്കാണ് കടിയേറ്റത്.കാലിന് മാരകമായി കടിയേറ്റ സജിനയെ കണ്ണൂ ർ ഗവ. മെഡിക്കൽ കോളേജിൽ പ്രവേശിപ്പിച്ചു. മാതൃഭൂമി ഏജന്റാണ് മനോജ് കുമാർ. രാവിലെ വീട്ടിൽ പത്രം എത്തിക്കാൻ പോവുമ്പോഴാണ് കടിയേറ്റത്.