23.5 C
Iritty, IN
July 14, 2024
  • Home
  • Uncategorized
  • ♦️🔰അമ്മയുടെയും മകന്‍റെയും മൃതദേഹം ബെഡ് ബോക്സിനുള്ളില്‍; മൂത്ത മകനെ കാണാനില്ല.
Uncategorized

♦️🔰അമ്മയുടെയും മകന്‍റെയും മൃതദേഹം ബെഡ് ബോക്സിനുള്ളില്‍; മൂത്ത മകനെ കാണാനില്ല.

അമരാവതി: മഹാരാഷ്ട്രയിലെ അമരാവതി നഗരത്തിൽ വീട്ടിലെ ബെഡ് ബോക്സിനുള്ളില്‍ അമ്മയുടെയും മകന്‍റെയും മൃതദേഹം കണ്ടെത്തി. 45 കാരിയായ നീലിമ ഗണേഷ് കപ്‌സെ, ഇവരുടെ മകന്‍ ആയുഷ് കപ്‌സെ(22) എന്നിവരാണ് കൊല്ലപ്പെട്ടത്. വെള്ളിയാഴ്ചയാണ് പൊലീസ് മൃതദേഹങ്ങള്‍ കണ്ടെത്തിയത്.

രണ്ട് ദിവസമായി വീട്ടിൽ നിന്ന് ദുർഗന്ധം വമിക്കുന്നതായി അയൽവാസികൾ പരാതിപ്പെട്ടതിനെ തുടര്‍ന്ന് ബന്ധുക്കളെ വിവരമറിയിക്കുകയായിരുന്നു. നാഗ്പൂരിൽ നിന്ന് എത്തിയ വീട്ടുകാർ വീട് പൂട്ടിക്കിടക്കുന്നതായി കണ്ടതിനെ തുടർന്ന് ഉടൻ തന്നെ പൊലീസിൽ അറിയിച്ചു. തുടർന്ന് പൊലീസ് നടത്തിയ അന്വേഷണത്തിൽ മുൻവശത്തെ വാതിൽ അകത്തുനിന്നും പൂട്ടിയ നിലയിലും പിൻവാതിൽ അടച്ച് പൂട്ടിയ നിലയിലാണെന്നും കണ്ടെത്തി.വാതില്‍ തകര്‍ത്താണ് പൊലീസ് അകത്തുകയറിയത്.
കട്ടിലിൽ നിന്ന് രക്തം ഒഴുകുന്നതും ദുർഗന്ധം വമിക്കുന്നതും ശ്രദ്ധയില്‍ പെട്ടതിനെ തുടര്‍ന്ന് പരിശോധിച്ചപ്പോഴാണ് ബെഡ് ബോക്സിനുള്ളില്‍ നിന്നും മൃതദേഹങ്ങള്‍ കണ്ടെത്തിയത്. സംഭവത്തിന് ശേഷം യുവതിയുടെ മൂത്തമകനെ കാണാതായതായി അയൽവാസികൾ പറയുന്നു. ഇയാളുടെ മൊബൈൽ ഫോണും സ്വിച്ച് ഓഫ് ചെയ്ത നിലയിലാണ്.മൃതദേഹങ്ങൾ പോസ്റ്റ്‌മോർട്ടത്തിന് അയച്ചിട്ടുണ്ട്. പൊലീസ് കൊലപാതകത്തിന് കേസെടുത്തു.

Related posts

വിവാഹ വീട്ടിലേക്ക് വാഹനം ഓടിച്ചുകയറ്റി, ചോദ്യം ചെയ്ത സഹോദരങ്ങളെ കുത്തിപ്പരിക്കേല്‍പ്പിച്ചു; പ്രതികൾ റിമാൻഡിൽ

Aswathi Kottiyoor

പണി തീർന്ന് അരമണിക്കൂർ, കണ്ണൂരിൽ പുതിയ റോഡ് മലവെള്ളം കൊണ്ടുപോയി

Aswathi Kottiyoor

പാലക്കാട്ട് പിഞ്ചുകുഞ്ഞിനെ ലോട്ടറിക്കാരിയെ ഏൽപ്പിച്ച് അമ്മ കടന്നുകളഞ്ഞു

Aswathi Kottiyoor
WordPress Image Lightbox