കോട്ടക്കൽ പെരിന്തൽമണ്ണ റോഡിൽ പുത്തൂർ കയറ്റത്തിൽ അരിചോളിൽ പ്രവർത്തിക്കുന്ന ആലിയ ബെഡ് നിർമാണ കമ്പനിക്ക് തീപിടിച്ചു. ബുധനാഴ്‌ച വൈകിട്ട്‌ നാലിനാണ്‌ സംഭവം. പ്രദേശത്ത് നല്ല ഇടിയും മഴയുമുള്ള സമയത്താണ് തീപിടിത്തമുണ്ടായത്. മിന്നൽവഴിയുണ്ടായ ഷോർട് സർക്യൂട്ടാണ് അപകടത്തിന് കാരണമായതെന്ന് കരുതുന്നു.
ബെഡ് ഗോഡൗണിനാണ് തീപിടിച്ചത്. മലപ്പുറം, തിരൂർ എന്നിവിടങ്ങളിൽനിന്നും അഗ്നിശമന സേന വിഭാഗം ഉദ്യോഗസ്ഥർ രണ്ടുമണിക്കൂറോളം പരിശ്രമിച്ചാണ്‌ തീയണച്ചത്. കോട്ടക്കൽ കൊമ്പത്തിൽ റാഫിയുടെ ഉടമസ്ഥതയിലുള്ളതാണ് കത്തിനശിച്ച സ്ഥാപനം.