ഇരിട്ടി : വള്ളിയാട് പഴശ്ശി പദ്ധതിപ്രദേശത്ത് കെട്ടിയ പശുവിനെ വെട്ടിപ്പരിക്കേൽപ്പിച്ചു. വള്ളിയാട് സ്വദേശി കണ്ണോത്ത് ഹരീഷിൻ്റെ പശുവിൻ്റെ കാലിനാണ് വെട്ടി പരിക്കേൽപ്പിച്ചത്.
തിങ്കളാഴ്ച രാവിലെ 8 മണിയോടെയാണ് ഹരീഷ് വീടിനു സമീപമുള്ള പഴശ്ശി പദ്ധതി പ്രദേശത്ത് പശുവിനെ കെട്ടിയത് . 10 മണിയോടെ പശുവിന് വെള്ളം കൊടുക്കുവാനായി എത്തിയപ്പോൾ പശുവിനെ കാണാഞ്ഞ് തിരയുന്നതിനിടെ അൽപ്പം അകലെയായി കാലിൽ വെട്ടേറ്റ പശു തളർന്നു കിടക്കുന്നതാണ് കണ്ടത്. മൃഗഡോക്ടർ സ്ഥലത്തെത്തി മുറിവ് തുന്നിക്കെട്ടി. സംഭവവുമായി ബന്ധപ്പെട്ട് ഹരീഷ് ഇരിട്ടി പോലീസിൽ പരാതി നൽകി.
പശുവിനെ വെട്ടിപ്പരിക്കേൽപ്പിച്ചു
