കൊട്ടിയൂര്‍: കൊട്ടിയൂര്‍ മലയോര ഹൈവേയില്‍ ടിപ്പറും സ്‌കൂട്ടിയും കൂട്ടിയിടിച്ച് അപകടം. ഒരാള്‍ക്ക് ഗുരുതര പരിക്കേറ്റു.ഇരുചക്രവാഹന യാത്രികനായ മാനന്തവാടി പടിഞ്ഞാറത്തറ സ്വദേശി യൂസഫ്(53)നാണ് പരിക്കേറ്റത്.ഗുരുതരമായി പരിക്കേറ്റ ഇയാളെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.വെള്ളിയാഴ്ച രാവിലെ 8 മണിയോടെയാണ് അപകടം.മാനന്തവാടി ഭാഗത്തേക്ക് പോവുകയായിരുന്ന സ്‌കൂട്ടി മറ്റൊരു വാഹനത്തെ മറികടക്കാന്‍ ശ്രമിക്കവെ എതിരെ വരികയായിരുന്ന ടിപ്പറിലിടിക്കുകയായിരുന്നു.ഇടിയുടെ ആഘാതത്തില്‍ സ്‌കൂട്ടി ടിപ്പറിനുള്ളിലേക്ക് ഇടിച്ചു കയറുകയായിരുന്നു.സ്‌കൂട്ടി പൂര്‍ണ്ണമായും തകര്‍ന്നു.കേളകം പോലീസ് സ്ഥലത്തെത്തി റോഡില്‍ നിന്ന് വാഹനങ്ങള്‍ നീക്കം ചെയ്തു.
കൊട്ടിയൂരിൽ ടിപ്പറും സ്‌കൂട്ടിയും കൂട്ടിയിടിച്ച് ഒരാള്‍ക്ക് പരിക്ക്……….
