കണ്ണൂര്‍ ഗവ. മെഡിക്കല്‍ കോളജിലെ കോവിഡ് രോഗികളുടെ എണ്ണത്തില്‍ വര്‍ധന. ഈ സാഹചര്യത്തില്‍ ജനറല്‍ വാര്‍ഡുകളുടെ എണ്ണം ചുരുക്കി കോവിഡ് വാര്‍ഡാക്കി മാറ്റും. ജില്ലയില്‍ കോവിഡ് രോഗികളുടെ എണ്ണത്തില്‍ വന്‍വര്‍ധന ഉണ്ടായ സാഹചര്യത്തിലാണ് ഗവ. മെഡിക്കല്‍ കോളജിലെ കോവിഡ് വാര്‍ഡില്‍ കോവിഡ് രോഗികള്‍ നിറഞ്ഞത്. നിലവില്‍ കോവിഡ് ബാധിതരായ 120 ലേറെ രോഗികളാണ് മെഡിക്കല്‍ കോളജിലുള്ളത്. ഇതില്‍ 51 പേര്‍ കോവിഡ് ഐസിയുകളിലു
മാണുള്ളത്.
കൂടാതെ കോവിഡ് ബാധിതരെന്ന് സംശയിക്കപ്പെട്ട് മറ്റ് അസുഖങ്ങളുമായി കഴിയുന്ന രോഗികളും ആശുപത്രിയില്‍ ചികിത്സയിലുണ്ട്. നേരത്തെ 297 ബെഡുകളാണ് കോവിഡ് വാര്‍ഡില്‍ ഉണ്ടായി
രുന്നത്. രോഗികളുടെ എണ്ണം കുറഞ്ഞിരുന്ന സമയത്ത് ഇത് ചുരുക്കി 126 ആക്കി മാറ്റി. 69 ഐസിയു ബെഡുകളാണ് ആശുപത്രിയിലുണ്ടായത്. ഇത് 46 ആയി കുറയ്ക്കുകയായിരുന്നു.
നിയമസഭ തെരഞ്ഞെടുപ്പ് കഴിഞ്ഞതോടെ അപ്രതീക്ഷിതമായാണ് കോവിഡ് രോഗികളുടെ എണ്ണത്തില്‍ വര്‍ധന ഉണ്ടായത്. ഇതു സര്‍ക്കാരിനും ആരോഗ്യ വകുപ്പിനും അപ്രതീക്ഷിത തിരിച്ചടിയായി. രോഗികളുടെ എണ്ണം കൂടിയതോടെ കോവിഡ് വാര്‍ഡിലെയും ഐസിയുവിലെയും ബെഡുകളുടെ എണ്ണം പൂര്‍വ സ്ഥിതിയിലാക്കും.
കോവിഡിന്‍റെ ആദ്യ ഘട്ടത്തില്‍ മെഡിക്കല്‍ കോളജില്‍ വിപുലമായ ചികിത്സാ സംവിധാനങ്ങളായിരുന്നു ഒരുക്കിയിരുന്നത്. ജില്ലയിലെ മികച്ച കോവിഡ് ചികിത്സാ കേന്ദ്രമായും മെഡിക്കല്‍ കോളജ് മാറി. സി കാറ്റഗറി രോഗികള്‍ക്കടക്കം ചികിത്സാ സംവിധാനങ്ങള്‍ ഇവിടെയൊരുക്കിയിരുന്നു.
കോവിഡ് രണ്ടാംഘട്ടം പ്രതിരോധിക്കാനുള്ള മുന്നൊരുക്കങ്ങള്‍ ആശുപത്രിയില്‍ നടന്ന യോഗത്തില്‍ വിലയിരുത്തി. അസി. കളക്ടര്‍ ആര്‍. ശ്രീലക്ഷ്മി, ഡിപിഎം ഡോ.അനില്‍ കുമാര്‍, കോവിഡ് നോഡല്‍ ഓഫീസര്‍ ഡോ. വസു ആനന്ദ്, സൂപ്രണ്ട് ഡോ.കെ. സുദീപ്, വൈസ് പ്രിന്‍സിപ്പല്‍ ഡോ.എസ്. രാജീവ് തുടങ്ങിയവരുടെ യോഗത്തിലാണ് ഒരുക്കങ്ങള്‍ വിലയിരുത്തിയത്.
കോവിഡ് രോഗികള്‍ നിറഞ്ഞ് കണ്ണൂര്‍ ഗവ. മെഡിക്കല്‍ കോളജ്
