രാജ്യത്തെ പുതിയ കോവിഡ് കേസുകളിൽ 84.73 ശതമാനവും കേരളം ഉൾപ്പെടെയുള്ള എട്ടു സംസ്ഥാനങ്ങളിലെന്ന് കേന്ദ്ര ആരോഗ്യ മന്ത്രാലയം. മഹാരാഷ്ട്ര, ചത്തീസ്ഗഢ്, കർണാടക, കേരള, തമിഴ്നാട്, ഗുജറാത്ത്, പഞ്ചാബ്, മധ്യപ്രദേശ് എന്നീ സംസ്ഥാനങ്ങളിലാണ് പ്രതിദിന കോവിഡ് കേസുകളിൽ വർധനവുണ്ടാകുന്നത്.
മഹാരാഷ്ട്രയിലാണ് ഏറ്റവുമധികം കേസുകൾ റിപ്പോർട്ട് ചെയ്യുന്നത്. പുതിയതായി 27,918 പേർക്കാണ് മഹാരാഷ്ട്രയിൽ രോഗം സ്ഥിരീകരിച്ചത്. ചത്തീസ്ഗഢ്-3,108, കർണാടക-2,975, കേരളം-2,389, തമിഴ്നാട്-2,342, ഗുജറാത്ത്-2,220, പഞ്ചാബ്-2,188, മധ്യപ്രദേശ്-2,173 എന്നിങ്ങനെയാണ് മറ്റു ഏഴ് സംസ്ഥാനത്തെ കണക്കുകൾ.
രാജ്യത്ത് കഴിഞ്ഞ 24 മണിക്കൂറിനിടെ 53,480 പേർക്കാണ് കോവിഡ് സ്ഥിരീകരിച്ചത്. 41,280 പേര്‍ കൂടി രോഗമുക്തി നേടിയപ്പോള്‍ 354 പേര്‍ക്ക് കോവിഡ് ബാധയെ തുടര്‍ന്ന് ജീവന്‍ നഷ്ടമായി.