ചുങ്കക്കുന്ന് – പൊയ്യമല ഭാഗത്ത്‌ വീട് കേന്ദ്രീകരിച്ച് ചാരായ നിർമാണം നടത്തി വന്ന ചുങ്കക്കുന്ന് – പൊയ്യമല സ്വദേശിയെ 8 ലിറ്റർ ചാരായവുമായി പേരാവൂർ എക്സൈസ് പിടികൂടി.
ചുങ്കക്കുന്ന് – പൊയ്യമല സ്വദേശി കുരിശിങ്കൽ വീട്ടിൽ ചാക്കോ മകൻ ജോർജ് മത്തായി എന്നയാളെയാണ് 8ലിറ്റർ ചാരായവുമായി പേരാവൂർ എക്സൈസ് പാർട്ടി അറസ്റ്റ് ചെയ്ത് കേസെടുത്തത്.
നിയമസഭ ഇലക്ഷൻ സ്പെഷ്യൽ എൻഫോഴ്‌സ്‌മെന്റ് ഡ്രൈവിനോടനുബന്ധിച്ചു പേരാവൂർ എക്‌സൈസിന് ലഭിച്ച രഹസ്യ വിവരത്തെ തുടർന്ന് ഇന്ന് പുലർച്ചെ ചുങ്കക്കുന്ന് – പൊയ്യമല ഭാഗങ്ങളിൽ നടത്തിയ പരിശോധനയിലാണ് ഇയാൾ പിടിയിലായത്.
പ്രിവന്റീവ് ഓഫീസർ എൻ പത്മരാജന്റെ
നേതൃത്വത്തിൽ നടത്തിയ റെയ്‌ഡിൽ പ്രിവന്റീവ് ഓഫീസർ കെ ഉമ്മർ സിവിൽ എക്സൈസ് ഓഫീസർമാരായ പി വിജയൻ, സതീഷ് വി എൻ, ഷാജി സി പി, കെ ശ്രീജിത്ത്‌, വനിത സിവിൽ എക്സൈസ് ഓഫീസർ അമൃത കെ കെ എക്സൈസ് ഡ്രൈവർ എം.ഉത്തമൻ എന്നിവർ പങ്കെടുത്തു.