കണ്ണൂർ ജില്ലയിൽ ഞായറാഴ്ച സർക്കാർമേഖലയിലെ ആരോഗ്യകേന്ദ്രങ്ങളിൽ കോവിഡ് പ്രതിരോധ വാക്സിനേഷൻ ഉണ്ടാവില്ല. എന്നാൽ, എട്ടു സ്വകാര്യ ആസ്പത്രികൾ വാക്സിനേഷൻ കേന്ദ്രങ്ങളായി പ്രവർത്തിക്കും. ഇവിടെ സർക്കാർ നിശ്ചയിച്ച നിരക്കായ 250 രൂപ നൽകണം.
60 വയസ്സിന് മുകളിലുള്ള പൗരന്മാർ, 45 വയസ്സിനും 59 വയസ്സിനും ഇടയിലുള്ള ഗുരുതരരോഗം ബാധിച്ചവർ, ആരോഗ്യപ്രവർത്തകർ, കോവിഡ് മുന്നണി പോരാളികൾ, പോളിങ് ഉദ്യോഗസ്ഥർ എന്നിവർക്കാണ് വാക്സിനേഷൻ നൽകുന്നത്