നിയമസഭാ തെരഞ്ഞെടുപ്പിനോടനുബന്ധിച്ച് നടക്കുന്ന സ്പെഷ്യൽ എൻഫോഴ്സ്മെന്റ് ഡ്രൈവിന്റെ ഭാഗമായി പേരാവൂർ എക്സൈസ് നടത്തിയ റെയ്ഡിൽ
പത്തു കുപ്പി (5 ലിറ്റർ) ഇന്ത്യൻ നിർമ്മിത വിദേശ മദ്യവുമായി പായം സ്വദേശിയെ പിടികൂടി.
പായം സ്വദേശി ജിഷ നിവാസിൽ സജിത്ത് കൊഴുക്കുന്നോൻ (വയസ് 41/2021 ) എന്നയാളെയാണ് മഞ്ഞളാംപുറം ഭാഗത്ത് വച്ച് മദ്യവുമായി പിടികൂടിയത്.
പ്രിവന്റീവ് ഓഫീസർ എം.പി.സജീവന്റെ നേതൃത്വത്തിൽ നടന്ന റെയ്ഡിൽ പ്രിവന്റീവ് ഓഫീസർ (ഗ്രേഡ്) ഇ.സി.ദിനേശൻ, സിവിൽ എക്സൈസ് ഓഫീസർമാരായ സി.എം. ജയിംസ്, കെ.എ. ഉണ്ണിക്കൃഷ്ണൻ, കെ.എ മജീദ്, എൻ.സി വിഷ്ണു, എ.എം. ബിനീഷ് എന്നിവർ പങ്കെടുത്തു.