ഇരിട്ടി : കീഴൂർ മഹാദേവ ക്ഷേത്രത്തിൽ മഹാശിവരാത്രിയോടനുബന്ധിച്ച ചടങ്ങുകൾ 11 ന് വ്യാഴാഴ്ച നടക്കും. കൊവിഡ് മാനദണ്ഡങ്ങൾ പാലിച്ചുകൊണ്ടായിരിക്കും ചടങ്ങുകൾ നടക്കുക. ക്ഷേത്രാചാര്യൻ ബ്രഹ്മശ്രീ വിലങ്ങര നാരായണൻ ഭട്ടതിരിപ്പാട് ചടങ്ങുകൾക്ക് മുഖ്യ കാർമ്മികത്വം വഹിക്കും. രാവിലെ 5 മണിക്ക് നടതുറന്ന് അഭിഷേകം, ഗണപതിഹോമം തുടർന്ന് നവകപൂജ, നവകാഭിഷേകം 10 മണിക്ക് പ്രതിമാസ മൃത്യുഞ്ജയ ഹോമം എന്നിവ നടക്കും. പ്രദക്ഷിണ വഴി കരിങ്കൽ പാകിയതിന്റെ സമർപ്പണം വൈകുന്നേരം 6 മണിക്ക് തന്ത്രി വിലങ്ങര നാരായണൻ ഭട്ടതിരിപ്പാട് നിർവഹിക്കും. 6.30 ന് ഇളനീർകാവ് വരവ്, തുടർന്ന് ദീപ സമർപ്പണം , ഇളനീരഭിഷേകം എന്നിവയും നടക്കും. ശിവരാത്രി നാളിൽ ബലിതർപ്പണം ചെയ്യുന്നവർക്കുള്ള സൗകര്യവും കാലത്തു മുതൽ തന്നെ ക്ഷേത്രം കടവായ ബാവലിപ്പുഴക്കരയിൽ ഒരുക്കും. കൊവിഡ് മാനദണ്ഡങ്ങൾ കർശനമായി പാലിച്ചായിരിക്കും എല്ലാ ചടങ്ങുകളും നടക്കുക.
കീഴൂർ മഹാദേവക്ഷേത്രത്തിൽ മഹാശിവരാത്രി ആഘോഷം വ്യാഴാഴ്ച
