കേളകം സിൻഡിക്കേറ്റ് ബാങ്ക് വിദ്യാഭ്യാസ വായ്പ നിഷേധിച്ച സംഭവത്തിൽ വിശദീകരണം തേടാൻ സംസ്ഥാന ന്യൂനപക്ഷ കമ്മിഷൻ

കണ്ണൂർ :വിദ്യാഭ്യാസ വായ്പ നിഷേധിച്ച സംഭവത്തിൽ സിൻഡിക്കേറ്റ് ബാങ്ക് ജനറൽ മാനേജരോട് വിശദീകരണം തേടാൻ സംസ്ഥാന ന്യൂനപക്ഷ കമ്മിഷൻ. കളക്ടറേറ്റ് കോൺഫറൻസ് ഹാളിൽ നടന്ന സിറ്റിങ്ങിൽ കമ്മിഷൻ അംഗം അഡ്വ. മുഹമ്മദ് ഫൈസലാണ് നിർദേശം നൽകിയത്. ചുങ്കക്കുന്ന് സ്വദേശിയായ വിദ്യാർഥിക്കാണ് സിൻഡിക്കേറ്റ് ബാങ്ക് കേളകം ബ്രാഞ്ചിൽനിന്ന് വായ്പ നിഷേധിച്ചത്. അപേക്ഷകൻ ബ്രാഞ്ച് പരിധിയിലെ താമസക്കാരനല്ല എന്ന കാരണത്താലായിരുന്നു ഇത്. ബാങ്കിന്റെ പരിധിയിലല്ല എന്നതിനാൽ ലോൺ നിരസിക്കരുതെന്ന നിർദേശം നിലനിൽക്കെ ബാങ്കിന്റെ നടപടി അംഗീകരിക്കാനാവില്ലെന്ന് കമ്മിഷൻ അറിയിച്ചു.