കേളകം: മൂർച്ചിലക്കാട്ട് മഹാദേവീ ക്ഷേത്രത്തിൽ തിങ്കളാഴ്ച നടക്കുന്ന പഞ്ചലോഹ ധ്വജപ്രതിഷ്ഠയുടെ ഭാഗമായുള്ള സഹസ്രകലശപൂജകൾ തുടങ്ങി . ബ്രഹ്മകലശം കൂടാതെ ആയിരം കലശങ്ങളാണ് പൂജിക്കുന്നത്. തിങ്കളാഴ്ച രാവിലെ 11.30-നും 12.45-നും ഇടയ്ക്കാണ് ധ്വജപ്രതിഷ്ഠ. തുടർന്ന് കുംഭഭരണി മഹോത്സവത്തിന്റെ കൊടിയേറ്റവും നടക്കും. ക്ഷേത്രം തന്ത്രികൾ കാരുമാത്ര ഡോ. ഒ.വി.ഷിബു തന്ത്രികളുടെയും ക്ഷേത്രം മേൽശാന്തി എൻ.എസ്.ശർമയുടെയും മുഖ്യകാർമികത്വത്തിൽ പതിനഞ്ചോളം പുരോഹിതന്മാരാണ് നേതൃത്വം നൽകുന്നത്. 21-ന് ഞായറാഴ്ച നടക്കുന്ന ആറാട്ടോടെ ഉത്സവത്തിന് കൊടിയിറങ്ങും.