കോളയാട് : കോളയാട് കൃഷി ഭവന്‍റെ ആഭിമുഖ്യത്തിൽ ആലച്ചേരിയിൽ കൃഷി പാഠശാല കോളയാട് പഞ്ചായത്ത് വൈസ് പ്രസിഡന്‍റ് കെ.ഇ. സുധീഷ് കുമാർ ഉദ്ഘാടനം ചെയ്തു. വികസനകാര്യ സ്ഥിരം സമിതി അധ്യക്ഷ പി. ഉമാദേവിയുടെ അധ്യക്ഷത വഹിച്ചു. പേരാവൂർ കൃഷി അസിസ്റ്റന്‍റ് ഡയറക്ടർ രാജശ്രീ, കോളയാട് കൃഷി ഭവൻ കൃഷി ഓഫീസർ റിൻസി റോസ് ടി. ജോൺ, കൃഷി അസിസ്റ്റന്‍റ് എസ്. കെ. ഷാൻ എന്നിവർ പ്രസംഗിച്ചു. രണ്ടു ദിവസമായി നടത്തുന്ന കൃഷി പാഠശാലയിൽ സംയോജിത കൃഷി, തേനീച്ചക്കൃഷി എന്നീ വിഷയങ്ങളിൽ എസ്.സി. ലക്ഷ്മണൻ, റിട്ട. കൃഷി ഓഫീസർ രവീന്ദ്രൻ തൊടീക്കളം എന്നിവർ ക്ലാസുകൾ നടത്തി. തുടർന്നുള്ള ദിവസങ്ങളിൽ ശുദ്ധജലമത്സ്യക്കൃഷിയിൽപരിശീലനവും സംയോജിത കൃഷി തോട്ട സന്ദർശനവും കൃഷിപാഠശാലയിൽ ഉൾപ്പെടുത്തിയിട്ടുണ്ട്.
കൃഷി പാഠശാല ഉദ്ഘാടനം ചെയ്തു
